www.gardarorn.bloggar.is 

Þann 06.06.06 kl 06:06 p.m verður nýja bloggið opnað. Eftir stutta stund kynni ég fyrir ykkur þá slóð, sem þarf að fara til að finna bloggið mitt nýja.

Ágætu unnendur bloggsins míns. Núna er ég að fara að hætta hérna og búa til nýtt blogg á öðrum stað. Ég læt ykkur vita þegar verktakarnir mínir, sem ég setti í að búa til nýtt blogg fyrir mig, eru klárir og búnir með verkið. Stefnt er að því að vera búið með verkið í vikunni 

Þeim rignir inn afmæliskveðjunum þessa daganna, en núna er komið að aðal kveðjunni, með fullri virðingu fyrir öðru fólki.

Einhver fegursta, skemmtilegasta og klárlega fyndnasta manneskja, sem dregið hefur andann á þessari jörðu á afmæli í dag. Hún er ekki há í loftinu enda varð hún bara 7.ára í dag. Ég er að tala um hana dóttur mína, hana Birtu Dögg.

Mér finnst þú frábær. Mér finnst þú meiriháttar. Mér finnst þú yndisleg. Mér finnst þú rosaleg. Mér finnst þú geggjuð. Mér finnst þú flott. Mér finnst... mér finnst og ég gæti haldið endalaust áfram Birta mín. Ég gleymi því aldrei þegar þú komst í heiminn, hversu hamingjusamur ég varð, þegar ég sá litla kútinn minn skjótast út. Ég var svo hamingjusamur og í svo mikilli sæluvímu, að ég tók ekkert eftir því, þegar ljósmóðirinn tilkynnti mér og mömmu þinni, hvort kynið þú værir. Mér var svo nákvæmlega sama hvort kynið þú værir. Ég reyndar rankaði við mér, nokkrum andartökum síðar og spurðist fyrir um kyn. Skemmtilegra að vita það, þó að það hefði ekki verið aðal málið

Ég hugsa oft út í, hvernig ég fór að áður en þú fæddist. Sá tími virðist eitthvað vera svo óraunverulegur og fjarlægur. Mér finnst ég hafa átt þig alla tíð og það gleður mitt hjarta að vita það, að ég mun eiga þig í mörg, mörg ár í viðbót. Ég veit ekki hvort þú kemur til með að lesa þetta Birta mín, en ég elska þig alveg hreint svakalega mikið. Þú veist það líka, enda hef ég ekki við að segja það við þig. Kannski ertu orðin þreytt á því, en mér er alveg sama. Ég segi þetta við þig í hvert einasta skipti sem ég sé þig og hitti, og ég er ekki að fara að hætta að segja þetta við þig. Að eiga þig að sem dóttur, er það besta sem ég hef upplifað á ævinni. Mér hefur tekist margt á mínum rúmlega 30.árum en þú ert klárlega það besta sem hefur komið fyrir mig. Ég elska þig Birta mín og ég kem til þín í kvöld með afmælisgjöfinna. Pabbi

Til hamingju með daginn elsku litla besta hunangstunglið mitt. Þú ert algjört krútt og átt allt það besta í veröldinni skilið. Þú hefur undanfarið tekið þung skref, en þú veist það samt að ég mun gera allt sem ég get, til að létta þér skrefin. Þú ert fallegasta stelpa í heimi og mundu það, að ég verð þér alltaf við hlið, sama hvað dynur á. Þuríður Arna... til lukku með 4.ára afmælið.

Núna er ég ansi hræddur um það, að það sé bremsufar í eitís G-streng Sylvíar Nætur. Sú er aldeilis búin að drulla vel upp á eigið bak. Leiksýning hennar, sem einkenndist af hroka og egói, endaði upp á stóra sviðinu í Grikklandi í gær, með einhverju mesta bauli í sögu Júróvisionkeppninar. Ekki bara fyrir lag, heldur einnig eftir flutning lags hennar og Þorvaldar Bjarna. Fyrir utan það, þá virkaði hún óörugg og stressuð.

Þetta vilduð þið, ekki satt? Mestu fígúru Íslandssögunnar til að auglýsa land og þjóð. Það er varla að maður þori að segja að maður sé Íslendingur lengur. Ég held að fígúran Sylvía Nótt sé búin að vera. Fyrir utan það sem hún gerði litlu börnunum, sem biðu eftir henni í röðum fyrir utan Esso og vildu fá áritaðann geisladisk. Hún er átrúnaðargoð litlu barnanna í dag og hún mætti ekki til að gleðja litlu hjörtun, sem dá hana svo heitt einhverra hluta vegna. Hvað segir allt þetta um hana?

Ég varð reiður í gær, þegar baulið byrjaði og varð ennþá reiðari eftir að lagi lauk, þegar baulið hélt áfram. Ég skammaðist mín fyrir að vera Íslendingur í gær. Svo hugsaði ég út í börnin sem líklega horfðu öll á útsendinguna í gær og urðu vitni af þessu öllu saman. Litla dóttir mín gat ekki beðið eftir að fá að sjá átrúnaðargoðið sitt í gær í sjónvarpinu. Sem betur fer varð ég ekki vitni af því, þegar dóttir mín horfði á þetta allt saman í gær. Henni hlýtur að hafa liðið illa.

Er ekki kominn tími á að senda út lag í stað þess að senda alltaf út keppanda? Þetta gerum við ár eftir ár. Alltaf sá eða sú heitasta send út til að kynna land og þjóð. Erum við svona helv.. vitlaus? Hver veit í hinum stóra heimi hver Sylvía Nótt, Birgitta Haukdal eða Jónsi í Svörtum fötum eru? Ekki nokkur helv... kjaftur.

En þetta vilduð þið og núna líður ykkur eins og kjánum helv.. ykkar. Ég sagði ykkur þetta.

Í lokin langar mér líka að benda ykkur á pistil hjá félaga mínum sem Þröstur. Hann er undir heitinu "bluebird" í tenglasafninu mínu og þar veltir hann fyrir sér aðeins júróvision. Ég er mjög sjaldan sammála Þresti, enda er hann illa gefinn einstaklingur, en þarna hefur hann loksins rétt fyrir sér.

Mjölnir 5. mars 1947

Bíóið hérna er bænum til skammar.

 

Einn af þeim fáu stöðum, et hér standa almenningi opin til skemmtunar og afþreyingar á kvöldin er Nýja Bíó, sem rekið er af Hinrik Thorarensen.

Sá maður er löngu orðinn frægur fyrir lítinn glæsibrag á þeim stofnunum, sem hann rekur og er bíóið sannarlega engin undantekning.

Er áreiðanlega leitun á öðru eins kvikmyndahúsi, a.m.k. í þeim löndum, sem eiga að heita menningarlönd.

Umgengni þarna er svo fyrir neðan allar hellur, að engu líkara er, en að eigandinn geri sér það til yndis að hafa þetta svona.

Um myndavalið skal ekki fjölyrt, - það er býst ég við svipað og annarsstaðar, en mun þó yfirleitt lélegra. En húsakynnin og umgengnin er sennilega Evrópumet a.m.k. Þegar komið er inn í forstofuna blasir strax við eyðileggingin.

Veggir allir eru rispaðir og krotaðir langt inn í stein og svo langt upp sem hægt er að seilast. Forstofan er full af unglingum, sem virðast hugsa um það eitt að ólmast sem mest og gera sem mestan hávaða.

Þegar inn í salinn kemur leggur fyrir vitin óþef, sem venjulega myndast í illa upphituðum húsakynnum.

Sæti öll eru úr lagi gengin, þeim er illa raðað og seturnar úr stólunum liggja oft niðri á gólfi og eru rifnar og hálfbrotnar. Um það eitt er hugsað að hirða peningana af sýningargestum.

Síðan er þeim hleypt inn eins og fé í rétt og ekkert hirt um hvort þeir geti notið þess, sem þeir eiga að fá fyrir peningana eða ekki. Enginn skiptir sér af því, þó að ólætin séu svo mikil, að maður geti naumast gert sér grein fyrir hvort maður er að horfa á þögla mynd eða -talmynd.

Er einna líkast því, að sýningin færi fram á skólagangi í frímínútum í illa öguðum skóla. Upphitun er ekki meiri en það, að þótt maður sitji í þykkum frakka með trefil og vettlinga, er trauðla, að maður haldi á sér hita.

Það er dapurleg hugmynd, sem aðkomumaður fær um menningarlíf í þessum bæ, við að koma í Nýja Bíó.

En sú mun bót í máli, að eigandinn er orðinn landfrægur fyrir ómyndarskap og lítilsvirðingu á því er velsæmi heitir.

Heyrt hef ég. að varla líði svo vika, að þessi maður eigi ekki í einhverjum erjur við heilbrigðisnefnd, lögreglu, barnaverndarnefnd og aðra þá, sem líta eiga eftir opinberum rekstri.

En mér er nú spurn. Eru engar kröfur, sem gera verður til þeirra, er reka t.d. kvikmyndahús? Verður ekki að fá leyfi bæjaryfirvaldanna til slíks reksturs og geta ekki þau yfirvöld svift menn slíku leyfi, ef þeir reka það svo, að almennum hneykslunum valdi?

Hvað á umburðarlyndi bæjarbúa að ná langt gagnvart þeim, sem storka almenningi. lítilsvirða hann og fótumtroða almennt velsæmi?

Það verður að gera þá kröfu til þessara yfirvalda, að eiganda Nýja Bíós verði tafarlaust settir tveir kostir. Annaðhvort breyti hann rekstri kvikmyndahússins í það horf, að menn þurfi ekki að fyrirverða sig að stíga þar inn fyrir dyr eða hann verði sviptur leyfi til að reka húsið.

Það er nógu ljótur blettur, sem þessi maður er búinn að setja á þennan bæ, þótt nú væri sagt hingað en ekki lengra.

En verði ekkert gert gagnvart þessum manni, þá ættu bæjarbúar að athuga hvort þeir ættu ekki að taka Ólafsfirðinga til fyrirmyndar og hætta að sækja bíó Thorarensen.

Það er mál, sem hann myndi áreiðanlega skilja, ef lækkaði í pyngjunni.

Bíógestur.

Jæja, verður maður ekki rökstyðja svar sitt við því, að ekki eigi að flytja vín og bjór úr ÁTVR yfir í matvöruverslanir.

 

Byrjum á opnunartímanum, sem kæmi ekki til með að skipta neinu máli. Opnunartími ÁTVR, breytist 1.maí næstkomandi. Verða þá allar áfengisverslanir á höfuðborgarsvæðinu opnar til kl 18:00 á laugardögum og tvær til þrjár verslanir, verða opnar til kl 20:00 á virkum dögum. Ef þetta færi í matvöruverslanir, yrði opnunartíminn líklega frá 21:00 til 23:00. Ef fólk þarf að kaupa sér vín kl 23:00 á þriðjudagskvöldi, þá er orðið yfir það fólk alkar. En þannig er það nú samt með allan opnunartíma á öllu, að Íslendingurinn kemur alltaf á síðustu stundu til að versla. Það hefur marg sýnt sig. Ef opnunartíminn er til 16:00, þá koma allir rétt fyrir þann tíma. Ef opnunartíminn yrði lengdur til 18:00, þá mundi fólk sleppa því að koma kl 16:00 og koma rétt fyrir 18:00. En líklega er opnunartíminn ekki það sem skiptir mestu máli… eða er það? Þá er það eina ástæðan fyrir því að ég væri fylgjandi því að fá vín í matvörubúðir.

 

Förum því næst í, hver afgreiðir. Hjá ÁTVR mátt þú ekki afgreiða vín, nema þú sért orðin/n tvítug/ur. Hver er líklegur meðalaldur fólks sem afgreiðir hjá Bónus, Hagkaup og 10/11? Hann er líklega í kringum 17.ár. Ætlar sá eða sú sem afgreiðir á kassa hjá Bónus, að neyta 17.ára félaga sínum um kippu af bjór eða rauðvínsflösku þegar á kassa kemur? Mér finnst það ólíklegt. Með þessu erum við þá að stuðla að áfengisdrykkju fólks undir tvítugu. Ætla Bónus eða Hagkaup að reka sterka forvarnarstefnu eins og ÁTVR? Mér finnst það ólíklegt. Ég vil ekki að barnið mitt sé að kaupa sér bjór í Hagkaup aðeins 15. – 16.ára. Vilt þú að barnið þitt geri það?

 

Förum í þjónustuna. Allir þeir sem starfa hjá ÁTVR, hafa allir lokið námskeiðum í vínfræðum og eru vínbúðir ÁTVR með vínfræðinga, sem aðstoða þig við kaup á rétta víninu. Margir hverjir hafa lokið við mörg námskeið. Gerð var könnun á þjónustu hjá hinum ýmsu fyrirtækjum og var ÁTVR þar í efsta sæti. Vilt þú ekki góða þjónustu kæri vinur? Heldur þú að þú fáir hana hjá 17.ára gutta í 10/11? Ég stórefast það.

 

Förum í vínúrval. Ekki láta ykkur dreyma um það, að þegar þið gangið inn í Hagkaup eða Bónus, að þær búðir komi til með að vera með einhverjar 1500.tegundir af bjór og víni, eins og Vínbúð Heiðrúnar og Vínbúðin í Kringunni eru með. Úrval á víntegundum á eftir að hrynja og ég get alveg lofað ykkur því að ein sérbúð á Spáni, hefur ekki svona margar tegundur. Þið getið reynt að halda því fram, en gleymið því. Án gríns, þá mundi ég telja að tegundafjöldi á bjór og víni, yrði í algjöru lágmarki í matvörubúðum okkar Íslendinga. Einn Bónusbjór og eitt Bónusrauðvín. Ég tek svona til orða, ef ég er að stuða einhverja brothætta sál, en úrvalið verður hlægilega lítið og þetta eru allir sammála um sem eitthvað vit hafa á bransanum. Allir þeir sem flytja inn vín eru á þessu og virðist sem svo að flestir séu á móti því að þetta gerist, nema kannski nokkrir alkar úr röðum ungmennahreyfinga stjórnmálaflokkanna, plús nokkrir aðrir. Ef þú vilt hafa gott og mikið úrval, sem og fá góða þjónustu er ÁTVR málið. Minnstu búðir ÁTVR eru með t.d 300.tegundir.

 

Förum í verð. Áfengisgjald er mjög hátt á Íslandi og mun ekkert breytast, þótt ÁTVR líði undir lok. Og hvað hefur fólk fyrir sér að verð á víni og bjór lækki? Í dag getur þú keypt þér eina dós af Viking lite, á sama verði, hvort sem það er í Reykjavík, Ísafirði eða á Reyðarfirði. Þið getið gleymt því að þetta haldist, ef ÁTVR líður undir lok. Á það að bitna á landsbyggðinni, að einhverjar alkar vilja fá vínið í matvörubúðir?

 

Ef fólk vill fá lítið vöruúrval, litla þjónustu og hærra verð, þá mæli ég með því að ÁTVR leggist niður.

 

Ef fólk vill fá mikið vöruúrval, góða þjónustu, forvarnarstarf og sama verð, hvort sem þú ert í Reykjavík eða á Reyðarfirði, þá mæli ég með því að ÁTVR selji okkur mjöðinn þykka í marga áratugi í viðbót.

Áður en ég hverf inní helgina, þá langar mig að birta pistil eftir hann mág minn, Óskar Örn Guðbrandsson. Það er ekki á hverjum degi sem ég geri það, en ég tek undir hvert einasta orð sem hann segir í pistli þessum.

Einhverju sinni var sagt um Eirík Jónsson að hann væri endaþarmur íslenskrar
blaðamennsku.  Ég man því miður ekki hver það var sem átti þessi fleygu orð
en sannfærist aftur á móti um að viðkomandi hafi svo sannarlega rétt fyrir
sér og gott betur en það.  Ef við hugsum okkur eitthvað rosalega subbulegt
þá gæti endaþarmur verið einhversstaðar þar í flokki.  En hversu subbulegur
er endaþarmur endaþarmsins?

Ég held að Eiríkur Jónsson og hans fólk eigi að skammast sín og ég held að
Hallgrímur Thorsteinsson hafi haft rétt fyrir sér að það þurfi að segja
þessu fólki að skammast sín.  Sá/sú sem er í bestu aðstöðunni til að koma
þessum skilaboðum á framfæri við endaþarminn og alla endaþarmana hans er
ég.... já og þú..... og allir hinir sem þetta subbulega lið segist vera að
höfða til.  Á meðan við lesum það sem þetta ..... er að skrifa þá heldur það
vinnunni og blaðið heldur áfram að koma út. 

Við eigum ekki að samþykkja svona subbuskap eins og allir þessir endaþarmar
eru að láta frá sér í umfjöllun um bræður okkar og systur.  Það er enginn
svo slæmur, nema kannski endaþarmarnir sjálfir, að eiga svona subbuskap
skilinn.  Fólk hefur leyfi til að gera mistök og taka á þeim á eigin
forsendum, án þess að Eiríkur Jónsson og allir hans endaþarmar sé að hnýsast
þar í, jafnvel þó fólk teljist kóngar og drottningar.

Við skulum hafna þessu og við skulum gera það með skýrum hætti.  Við skulum
ekki kaupa blöð sem Eiríkur Jónsson hefur tök á að setja mark sitt á.  Við
skulum gera útaf við Eirík Jónsson og það sem svo klárlega hefur komið fram
að undanförnu að hann stendur fyrir.  Við skulum koma Eiríki Jónssyni í það
svað sem endaþarmi sæmir.  KAUPUM EKKI DV OG HÉR OG NÚ

Ég er svo spes. Ég rændi þessu af bloggi hjá konu út í bæ. Hún líklega les mér pistilinn, þegar hún kemst að því.

Veldu mánuðinn sem þú fæddist
Janúar- Ég drap
Febrúar- Ég sló
Mars- Ég svaf hjá
Apríl- Ég horfði á
Maí- Ég fróaði mér með
Júní- Ég slefaði á
Júlí-Ég hló að
Ágúst- Ég stakk
September- Ég skaut
Október- Ég naut ásta með
Nóvember- Ég handtók
Desember-Ég kúkaði á

Veldu núna afmælisdaginn þinn
1. Hóru
2. Kærasta/una þína
3. Konu með HIV
4. Kynæsandi Dverg
5. Jólasvein
6. Playboykanínu
7. Giftri móðir
8. Kennara
9. Mömmu þína
10. Páskahérann
11. Köttinn
12. Djöflinum
13. Asískum skiptinema
14. Jónsa í svörtum fötum
15. Grjót
16. Hund
17. Klámstjörnu
18. Þvagprufu
19. Pung
20. Húsið þitt
21. Svín
22. Lampa
23. Kúk
24. Davíð Oddson
25. 50 cent
26. Kynskipting
27. Yddara
28. Birgittu Haukdal
29. Bjór
30. Tappatogara
31. Stólpípu

Veldu Þriðja stafinn í föðurnafninu þínu

A- Af því að ég elska súkkulaði
B- Af því að mér leiddist
C- Af því að buxurnar mínar voru of þröngar
D- Af því að þarf alltaf að prumpa
E- Af því að hjartað mitt er tveim nr of lítið
F- Af því að ég fékk engar gjafir um jólin
G- Af því mér finnst egg góð
H- Af því að ég er á sýru
I- Af því ég misteig mig
J- Af því ég er með vörtu
K- Af því mér líkar Cheer
L- Af því að ég var skökk/skakkur
M- Af því ég var full/ur
N- Af því að mamma sagði mér að gera það
O- Af því ég er hýr
P- Af því ér er einmanna
Q- Af því mamma og pabbi eru alltaf að rífast
R- Af því að ég er gröð/graður
S- Af því mig langar að deyja
T- Af því ég hata skóla
U- Af því ég þarf að fróa mér
V- Af því að ég elska náttfata party
W- Af því að það róar mig
X- Af því að ég elska marmelaði
Y- Af því að ég elska prump
Ö- Af því ég er að safna rassahárum
Fyrir þá sem eiga Á,Ð,É,Í,Ó,Ú,Ý,Z,Þ,Æ... Af því að ég er með þarmagras.


Mitt kom þannig út... Ég kúkaði á páskahérann að því að mamma sagði mér að gera það Hvernig kom þitt út?

Þessi litla sanna saga, sem ég ætla hér að segja ykkur frá, gerðist fyrir rúmum tveimur árum síðan. Þetta er ein versta lífsreynsla sem ég hef lent í á ævinni.

Það var laugardagsmorgunn. Ég sat við tölvunna og hún dóttir mín, sem þá var 4.ára, var að leika sér við hliðinna á mér. Ég man ekki hvort hún fann peninginn, sem hún var að leika sér með, eða hvort ég gaf henni hann. Mig minnir að þetta hafi verið krónupeningur.
Allt í einu gerist það, að ég heyri skelfileg kokhljóð frá henni dóttur minni. Hún snýr sér að mér og andlitið sem mætti mér... það var ólýsanlegt. Andlitið á henni dóttur minni var einn stór skelfingarsvipur og hef ég aldrei séð aðra eins skelfingu á ævi minni. Ég vissi um leið hvað gerst hafði. Hún hafi sett peninginn upp í sig og núna sat hann fastur í hálsi hennar.

Allt gerðist á methraða, eftir að mér varð ljóst hvað var á seyði. Áður en ég vissi af var ég kominn með símann, sem var við hliðina á mér, í aðra höndinna og hin höndin var farin að berja fast á bak dóttur minnar, þar sem hún lá á hnénu á mér. Ég veit ekki hversu oft ég barði á bak hennar, né hversu fast, en veit þó að ég barði á bak hennar töluvert oft og ég veit að ég barði ekki laust.

Á meðan ég barði á bak hennar, náði ég sambandi við neyðarlínunna og náði að útskýra fyrir þeim hvað var á seyði og að mig vantaði hjálp hið snarasta. Allt í einu heyri ég dóttur mína segja að peningurinn sé farinn. Ég hætti því að berja á bak hennar og reyndi að finna peninginn. Ég fann hann ekki, en þá sagði hún mér að hann hefði farið ofan í maga. Ég hefði líklega ekki fundið peninginn, þó hann hefði hrokkið upp úr henni, vegna þess að allt gólfið var út í ælu. Líklega vegna þess að ég barði hana í bakið svo oft og svo fast. Það var ekki sjens að ég ætlaði að fara að missa gullmolann minn hana dóttur mína, þarna á gólfinu.

Ég útskýrði þá fyrir neyðarlínunni, að peningurinn væri ekki lengur fastur í hálsi hennar og að hann hefði farið ofan í maga. Vildu þeir hjá neyðarlínunni samt koma og athuga hana dóttur mína og ég samþykkti það undir eins. Þeir sögðu mér að láta hana dóttur mína setjast og báðu mig að róa hana niður, því hún var mjög hrædd. Síðan lauk símtalinu.

Ælan fékk að vera lengur á gólfinu, því að hún dóttir mín skipti mestu máli og það skipti miklu máli að reyna að róa hana niður. Mér tókst það... eða þangað til ég sagði henni að sjúkrabílinn væri á leiðinni. Þá gersamlega trylltist hún aftur. Það var hræðilegt og náði ég róa hana niður rétt áður en lögreglan kom. Þeir komu fyrstir á svæðið. Þ.e tveir lögreglumenn og örskömmu síðar komu tveir sjúkraflutningamenn.

Dóttir mín var svo hrædd við lögreglumenninna og sjúkraflutningamenninna, að ég hef aldrei orðið vitni að öðru eins. Hún reyndar sagði ekki neitt né grét, en hún fraus alveg og titraði, eins og hún hefði lent í 19.stiga frosti. Þeir skoðuðu hana og komust að þeirri niðurstöðu, að allt væri í lagi með hana dóttur mína. Peningurinn mundi skila sér innan fárra daga. Ég var mjög ánægður með niðurstöðuna og eins hversu menn voru fljótir á staðinn. Takk löggur, takk sjúkraflutningamenn, takk neyðarlína.

Þessi laugardagsmorgunn á aldrei eftir að gleymast. Dóttir mín man enn eftir honum og við tölum stundum um hann. Alltaf þegar ég hugsa um þennan laugardag, þá fæ ég hnút í magann. Líka þegar ég hripaði þessi orð niður.

Tekið af heimasíðu Áslaugar Systur.

"Þuríður mín verður slappari með hverjum deginum sem líður, var mjög, mjög slöpp í morgun, en hresstist aðeins við að fara í leikskólann, en létum þær vita ef hún myndi ekki hressast, þá myndum við vilja fá hana heim. Helgin var líka erfið hjá henni, hún leggur sig tvisvar yfir daginn er með svo litla orku greyið. Ég horfði á hana sofandi í gær og tárin ætluðu ekki að hætta leka hjá mér, ég fann/finn svo til með henni. Mér finnst hræðilega erfitt að horfa uppá hana svona og maður getur ekkert gert

Maður á sér marga drauma og einn af mínum draumum var að geta verið heimavinnandi og geta séð alfarið um börnin mín. Þegar fæðingarorlofið mitt með Oddnýju Erlu var að klárast, langaði mig engan veginn að fara á vinnumarkaðinn og var heldur eiginlega ekki tilbúin að fara frá henni, fannst hún svo lítil að fara í pössun og þótt það væri til mömmu og Önnu. En ég sá það að ég gat engan veginn verið heima með stelpurnar mínar, jú ég þurfti að fara vinna til að geta séð fyrir heimilinu, borgað reikninga, keypt föt á börnin og bara allan pakkann og var náttúrlega mjög svekkt yfir því.

Ég var búin að fara í nokkur atvinnuviðtöl sem gengu mjög vel og var meira að segja búin að fá eina vinnu sem ég var mjög glöð með.  En svo veiktist Þuríður mín og allt breyttist á einum degi. Ég gat ekki farið útá vinnumarkaðinn og draumurinn minn varð að veruleika  Ohh ég vildi óska þess að þessi draumur minn hefði ekki ræst.

Ég vildi óska þess að mig væri ennþá að dreyma að vera heima með börnin mín. Ég vildi óska þess að ég væri að pirra mig á því, hvað ég væri láglaunuð í þessu starfi sem ég væri að vinna við. Mig langar að pirra mig yfir því að börnin mín þurfa að vera á leikskóla frá níu-fimm og ég hefði minni tíma fyrir þau. Mig langar að pirra mig á því hvað ég væri að borga mikið fyrir þau á leikskóla. Mig langar að vera pirruð við yfirmann minn, því hann vill ekki gefa mér launahækkun.

Mig langar ekki að vera pirruð við TR því þeir borga = ekkert til foreldra sem geta ekki farið á atvinnumarkaðinn og svo eru öryrkjar að kvarta. Jú auddah þurfa þeir meiri laun frá þeim en hvað með okkur með langveik börn. Ég hef aldrei kvartað undan því, er bara pirruð. Mig langar ekki að vera pirruð á því að það er svo erfitt að finna rétta lækningu fyrir Þuríði mína. Mig langar ekki að vera pirruð á því hvað hún þarf að taka mikið af lyfjum sem gera ekkert mikið gott fyrir hana. Mig langar ekki að vera pirruð á því að þurfa borga hluta af lyfjunum hennar Þuríðar, því TR geta ekki hunskast til að samþykkja þau öll.

Ég er ótrúlega eitthvað pirruð í dag, vildi óska þess að þessi draumur minn hefði ekki ræst."

Fyrir þá sem ekki þekkja til, þá er lífið oft ekki dans á rósum hjá henni ástkæru systur minni. Ef ég gæti, þá mundi ég skipta við hana litlu frænku mína og gefa henni eðlilegt líf. Við hin sem þurfum ekki að standa í sporum systur minnar, skulum vera þakklát fyrir það sem við höfum. En þrátt fyrir veikindi hennar litlu frænku minnar, er ég samt þakklátur fyrir að eiga hana að. Hún er frábær... eiginlega miklu meira en frábær. Ég bara get ekki fundið nógu sterkt lýsingarorð yfir hana frænku mína, hversu frábær hún er.

Da kine
-Versatile word used to replace words that can't be remembered or are unknown while you are speaking. Can literally mean anything and everything.

Jæja.. Hafir þú ekki tekið eftir því, að þá er árið 2005 liðið og nýtt ár sem kallast, árið 2006 tekið við. Ég vona að þú hafir og getir lært eitthvað af þeim mistökum sem þú gerðir á árinu 2005 og haldir áfram að gera það sem þú gerðir svo vel, á komandi ári.
 

Haldið áfram að taka mark á bullinu í mér, því að hvert einasta orð er heilagur sannleikur og stenst allar lögreglurannsóknir.

Ef þú ert einsamall/einsömul, gerðu þá eitthvað í því, því að það er ekki gaman að vera ein(n) að eilífu. (Samt oft gott að vera einn) Ef þú hefur virkilegann áhuga á þessum manni/konu, then go for it, því að þessi manneskja verður ekki á lausu að eilífu. Allt sem þarf er hugrekki, hvort sem þú átt við feimni að stríða eður ei.

Ef þú átt óuppgerða hluti við einhvern, þá mæli ég sterklega með því að þú gerir eitthvað í þeim málum, því að það er ekki skemmtilegt að vera með óþekkann og óskeindann púka endalaust á bakinu. Kveðum niður ljóta drauga og látum okkur líða vel.

Eigir þú gamlann draum, þá mæli ég með því að þú gerir eitthvað í þeim málum og látir hann rætast. Ef þú gerir það ekki, þá er mjög hætt við að þú sjáir eftir því seinna meir, þegar það er kannski orðið of seint.

Ef þú vilt verða virkilega góð(ur) í einhverju og ná árangri, þá segi ég þetta. Æfing, æfing, æfing og aftur æfing. Málið er ekkert flókið. Ekki ætlast til þess að þú náir árangri á einum degi eða einni viku. Ég ætti að þekkja þetta sjálfur.

Þú verður að kunna að taka við nei-um, því lífið væri hálf litlaust ef við fengum allt upp í hendurnar og allt væri eftir okkar höfði. Þá er bara að gera enn betur, ef þú færð þetta þunga orð (nei) í smettið og vinna þig hægt en örugglega að já-inu.

Í lokin langar mig að segja þetta… Hann fór í veiðiferð í gær, hann Úlfgang bóndi..

www.yoursexappeal.com/test.php?test=596715